ခံတွင်းလည်းမြိန် အာဟာရလည်းပြည့်စေမယ့် ပုဇွန်မျှစ်ပဲပြုတ်ကြော်

ခံတွင်းလည်းမြိန် အာဟာရလည်းပြည့်စေမယ့် ပုဇွန်မျှစ်ပဲပြုတ်ကြော်

20 မိနစ်

3 ဦးစာ

လွယ်သော

ပုဇွန်ချိုချိုလေးကို အရသာရှိအောင် ကြော်စားချင်သူတွေအတွက် ပုဇွန်မျှစ်ပဲပြုတ်ကြော်နည်းလေးနဲ့ မိတ်ဆက်ပေးချင်ပါတယ်။ ပုဇွန်ချိုချိုလေးကို ထမင်းစားမြိန်စေမယ့် မျှစ်လေးအပြင် ပဲပြုတ်လေးနဲ့ပါ ပေါင်းစပ်ထားတာမို့ အရမ်းကို အရသာရှိပြီး ကလေးတွေပါ အကြိုက်တွေ့စေမှာပါ။

ပါဝင်ပစ္စည်းများ

  • ပုဇွန်စိပ် ၁၀ ကျပ်သား
  • မျှစ် ၁၀ ကျပ်သား
  • ပဲပြုတ် ၅ ကျပ်သား
  • ကြက်သွန်နီ ၁ လုံး
  • ကြက်သွန်ဖြူ ၅ တက်
  • ချင်း အနည်းငယ်
  • ငရုတ်ကောင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၁ ဝက်
  • နနွင်းမှုန့် လက်ဖက်စားဇွန်း ၁ ဇွန်း
  • ဆီ ထမင်းစားဇွန်း ၃ ဇွန်း
  • ငရုတ်သီးစိမ်း ၁၀ တောင့်

ချက်ပြုတ်ပြင်ဆင်ပုံ

  1. အရင်ဦးဆုံး ပုဇွန်လေးတွေကို အကြောထုတ်သန့်စင်ထားပြီး မျှစ်လေးတွေကိုတော့ မိနစ်အနည်းငယ် ပြုတ်ထားပေးပါ။

  2. ဆီသတ်ဖို့အတွက် ကြက်သွန်ဖြူ၊ ကြက်သွန်နီနဲ့ ချင်းတို့ကို ထောင်းထားပေးပါနော်။

  3. ဒယ်အိုးထဲမှာ ဆီအပူပေးပြီး ထောင်းထားတဲ့ ငရုတ်နှစ်လေးတွေကို ဆီသတ်ပေးပါ။

  4. ကြက်သွန်လေးနွမ်းလာပြီး ဆီသတ်နံ့လေး မွှေးလာရင်တော့ သန့်စင်ထားတဲ့ ပုဇွန်စိပ်လေးတွေ ထည့်ကြော်ပေးပါနော်။

  5. ပုဇွန်လေးတွေ ကျက်လာရင်တော့ အသင့်ပြုတ်ထားတဲ့ မျှစ်၊ ပဲပြုတ်ကိုထည့်ကြော်ပေးပြီး ခနောကြက်သားမှုန့်၊ ငရုတ်ကောင်းမှုန့်တို့ထည့်ပြီး အရသာသွင်းပေးပါ။

  6. ဟင်းနံ့လေးမွှေးပြီး ကျက်လာရင်တော့ ငရုတ်သီးစိမ်းလေးအုပ်ပြီး တည်ခင်းသုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent