ခံတွင်းမြိန်စရာ ပဲကြာဇံသုပ်

အရင်ဦးဆုံး ပဲကြာဇံကို ရေနွေးဖျောထားပြီး ကျန်ပါဝင်ပစ္စည်းတွေဖြစ်တဲ့ အသီးအရွက်တွေကို နှစ်သက်သလို လှီးဖြတ်ထားပါ။

ဆောစ်လုပ်ဖို့အတွက် ငံပြာရည်၊ လှီးထားသော ငရုတ်သီးစိမ်း၊ သံပုရာရည်၊ သံပုရာခွံ၊ နံနံပင်၊ သံလွင်ဆီ၊ ငရုတ်သီးခွဲခြမ်း၊ ကြက်သွန်နီတို့ကို ရောသမမွှေပြီး ရေခဲသေတ္တာထဲမှာ နှပ်ထားပါ။

မြေပဲလှော်လေးတွေကို မညက်တညက်ထောင်းထားပြီး သီဟိုစေ့လေးတွေကိုတော့ ရေဆေးထားပါ။

အသုပ်သုပ်တော့မယ်ဆိုရင်တော့ ဇလုံကြီးကြီးတစ်လုံးထဲမှာ အသီးအရွက်နဲ့ ပဲကြာဇံကိုထည့်ပါ။ မညက်တညက်ထောင်းထားတဲ့ မြေပဲ၊ သီဟိုစေ့တွေကိုထည့်ပါ။

အရသာနှပ်ထားတဲ့ ဆောစ်ရည်ကိုထည့်ပေးပါ။ အရသာအတွက် ခနောကြက်သားမှုန့်ထည့်ပြီး သမသွားအောင် နယ်ကာ သုပ်ပေးပါ။

ပြီးသွားရင်တော့ အရသာရှိပြီး နူတ်မြိန်စေမယ့် ပဲကြာဇံသုပ်လေး ရပြီဖြစ်ပါတယ်။