ခနောဆန်ပြုတ်နဲ့ လိုက်ဖက်လှတဲ့ ကြွပ်ကြွပ်မွမွ ပုစွန်တန်ပူရာ

ခနောဆန်ပြုတ်နဲ့ လိုက်ဖက်လှတဲ့ ကြွပ်ကြွပ်မွမွ ပုစွန်တန်ပူရာ

15 မိနစ်

2 ဦးစာ

လွယ်သော

ဆန်ပြုတ်ကို မြန်မြန်သွက်သွက်လေးလည်း လုပ်စားချင်တယ်၊ အရသာရှိရှိလေးလည်း စားချင်တယ်ဆိုရင်တော့ ခပ်မြန်မြန်လေးလုပ်စားလို့ ရတဲ့ ခနောဆန်ပြုတ်ကို ကြွပ်မွလှတဲ့ ပုစွန်တန်ပူရာလေးနဲ့ ဘယ်လို တွဲဖက်မလဲဆိုတာ ပြောပြပေးပါမယ်။

ပါဝင်ပစ္စည်းများ

  • ပုစွန် ၄၀၀ ဂရမ်
  • တန်ပူရာမှုန့် ၁၀၀ ဂရမ်
  • ကြက်ဥ ၁ လုံး
  • ပေါင်မုန့်ကြွပ်မှုန့် ထမင်းစားဇွန်း ၅ ဇွန်း
  • ခနောကြက်သားမှုန့် ထမင်းစားဇွန်း တစ်ဝက်
  • ငရုတ်ကောင်းမှုန့် လက်ဖက်ရည်ဇွန်း ၁ ဇွန်း
  • နှမ်းဆီ ထမင်းစားဇွန်းတစ်ဝက်
  • ရေခဲရေ ထမင်းစားဇွန်း ၅ ဇွန်း
  • ဆီ ၂၀ ကျပ်သား
  • ခနောဆန်ပြုတ် ၁ ထုပ်

ချက်ပြုတ်ပြင်ဆင်ပုံ

  1. ပုစွန်တွေကို ရေဆေး၊ အမြီးခွံလေးပဲချန်ပြီး အခွံခွာ၊ ကျောချေးကြောင်းထုတ် ဆန့်ထားပြီးတာနဲ့ ငရုတ်ကောင်းမှုန့် ၊ ခနောကြက်သားမှုန့်၊နှမ်းဆီထည့်နယ်ရင်း ၅ မိနစ်ခန့် နှပ်ထားပါ။

  2. တန်ပူရာမှုန့်ထဲ ကြက်ဥနဲ့ ရေအေးထည့်ပြီး အနှစ်ပျစ်နေအောင်မွှေထားပါ။

  3. ဆီကို ဒယ်အိုးထဲထည့်ပြီး မီးအလယ်အလတ်နဲ့ အပူပေးထားပါ။

  4. ပုစွန်တွေကို အမြီးကကိုင်ပြီး တန်ပူရာအနှစ်ထဲ ထည့်စိမ်၊ ပြီးတာနဲ့ မုန့်ကြွပ်မှုန့်ထဲထည့်ပြီး အမှုန့်များများကပ်အောင် နှစ်ပြီးမှ ဆီပူထဲမြုပ်နေအောင်ကြော်ပါ။

  5. ပုစွန်အခွံ ရွှေဝါရောင်လေးသမ်းပြီး အနံ့လှိုင်တက်လာတာနဲ့ ၂ဖက်လှန်ပြီး ဆယ်ပါမယ်။

  6. ခနောဆန်ပြုတ်ကို အိုးထဲ ထည့်ပြီး ရေ ၂၅၀ မီလီမီတာ ထည့်ထားပါ။

  7. ရေဆူလာတဲ့အခါ မီးနည်းနည်းလျှော့ထည့်ပြီး ၃ မိနစ်လောက်ကနေ ၅ မိနစ်အထိ မွှေပေးပါ။

  8. ဒါဆိုရင်တော့ ဆန်ပြုတ် အသင့်ဖြစ်ပြီ ဖြစ်ပြီး ပုစွန်တန်ပူရာ ၂ ကောင် ၃ ကောင်ထည့်ပြီး အရသာရှိရှိ သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent