ကြာဆံချက်ပူပူလေးတစ်ခွက်

ကြာဆံချက်ပူပူလေးတစ်ခွက်

50 မိနစ်

5 ဦးစာ

အလယ်အလတ်

မိသားစုဆုံဆည်းချိန် အိမ်သားတွေအတူစားဖို့အတွက်ပဲဖြစ်ဖြစ်၊ အလှူရှိလို့ပဲဖြစ်ဖြစ်ချက်ဖို့ ရွေးချယ်ဖြစ်ကြတာက မုန့်ဟင်းခါးပြီးရင် ဒုတိယကကြာဆံချက်ပါပဲနော်။ ခေါင်းကိုက်ပြီး ဖျားချင်သလိုလို၊ အအေးမိသလိုလိုနဲ့ မအီမသာခံစားရချိန်ဆိုရင်လည်း ကြာဆံချက်ပူပူလေးက ကူကယ်နိုင်တဲ့ဆေးတစ်ခွက်ဖြစ်ပါသေးတယ်။ အဆာပလာစုံစုံနဲ့ အရသာရှိလှတဲ့ ကြာဆံချက်ပူပူလေးတစ်ခွက်ကို အခုလိုအလွယ်တကူဖန်တီးနိုင်ပါတယ်နော်။

ပါဝင်ပစ္စည်းများ

  • ကြက်သား ၂၀ ကျပ်သား ရေဆေးသန့်စင်ပြီး တုံးထားပါ။ ခနောကြက်သားမှုန့် ၁ဇွန်း၊ နနွင်း ၁ ဇွန်း၊ ငံပြာရည်ထည့်နယ်ပေးထားပါ)
  • ကြက်သွန်နီ ၂ လုံး (ထောင်းထားပါ)
  • ကြက်သွန်ဖြူ ၅ မြွှာ (ထောင်းထားပါ)
  • ချင်း ၁ လက်မ (ညက်အောင်ထောင်းထားပါ)
  • ဥစားကြက်သွန် ၁၀ လုံး (အခွံနွှာရေဆေးထားပါ)
  • ငရုတ်သီးအရောင်တင်မှုန့် ထမင်းစားဇွန်း ၁ ဇွန်း
  • နနွင်းမှုန့် လက်ဖက်ရည်ဇွန်း ၂ ဇွန်း
  • ခနောကြက်သားမှုန့် ထမင်းစားဇွန်း ၃ ဇွန်း
  • ငရုတ်ကောင်း လက်ဖက်ရည်ဇွန်း ၂ ဇွန်း
  • ငံပြာရည် ထမင်းစားဇွန်း ၂ ဇွန်း
  • ဆီ ထမင်းစားဇွန်း ၃ ဇွန်း
  • ရေ ၁၀ ခွက် (၂၅၀၀ မီလီလီတာ) (မိမိနှစ်သက်ရာ ဟင်းရည်အပျစ်အကျဲကိုလိုက်ပြီး ရေကိုချိန်ဆနိုင်ပါတယ်)
  • ငုံးဥပြုတ် ၁၀ လုံး (အခွံနွှာထားပါ)
  • ပဲကြာဆံ ၂၀ ကျပ်သား (ရေစိမ်ထားပါ)
  • မှိုခြောက် ၁၀ ကျပ်သား (ရေစိမ်ထားပါ)
  • ပန်းခြောက် ၁၀ ကျပ်သား (ရေစိမ်ထားပါ)
  • ပဲလိပ်ခြောက် ၁၀ ကျပ်သား (ရေစိမ်ထားပါ)

ထည့်စားရန်

  • နံနံပင် ၁ စည်း (ရေဆေးပြီး ပါးပါးလှီးထားပါ)
  • ငရုတ်သီးအကျက်မှုန့် ထမင်းစားဇွန်း ၅ ဇွန်း
  • စားပွဲတင်ငံပြာရည် ထမင်းစားဇွန်း ၆ ဇွန်း
  • သံပုရာသီး ၂ လုံး (စိတ်ထားပါ)
  • ကြက်သွန်နီ ၂ လုံး (ပါးပါးလှီးကာရေဆေးပြီး ရေစစ်ထားပါ)

ချက်ပြုတ်ပြင်ဆင်ပုံ

  1. ပထမဆုံးအနေနဲ့ ကြာဆံချက်ထဲထည့်မယ့် အဆာလေးတွေကို ကြိုတင်ပြင်ဆင်ပေးပါ။ ရေစိမ်ထားတဲ့ကြာဆံကိုဆယ်လိုက်ပါ။

  2. မှိုခြောက်၊ ပန်းခြောက်၊ ပဲလိပ်တွေ နူးလာရင် ဆယ်ပြီးတစ်ကိုက်စာအရွယ်တွေ လှီးထားပေးပါ။ ပန်းခြောက်ကိုတော့ အလယ်ဝတ်ဆံတွေကိုထုတ်ပစ်ပြီး အထုံးလေးထုံးနိုင်ပါတယ်။

  3. မျှင်ထားတဲ့ကြက်သားလေးတွေကို ဆီသတ်ပါမယ်။ အိုးထဲကို ဆီထည့်ကာ ဆီပူလာပြီဆိုရင် ကျန်နေသေးတဲ့ ကြက်သွန်ဖြူ၊ ကြက်သွန်နီ၊ ချင်း၊ ငရုတ်သီးအရောင်တင်မှုန့်တွေထည့်ပါ။ ဆီသတ်နံ့မွှေးလာပြီ၊ အရောင်လေးလှလာပြီဆိုရင် ကြက်သားထည့်ကာ ဆီသတ်ပါ။

  4. ကြာဆံချက်အရည်အိုးထဲကို ဆီသတ်ထားတဲ့ကြက်သား၊ ကြာဆံ၊ ငရုတ်ကောင်းလေးတွေထည့်မွှေကာ ပွက်ပွက်ဆူအောင် ဆက်တည်ထားလိုက်ပါ။ အခုဆိုရင်တော့ ကြာဆံချက်ပူပူလေးကို ရရှိပြီဖြစ်ပါတယ်။

  5. ကြာဆံချက်ပူပူလေးကို နံနံပင်၊ သံပရာသီး၊ ငရုတ်သီး၊ ကြက်သွန်စိမ်းလေးတွေထည့်ပြီး ရှူးရှူးရှဲရှဲနဲ့အရသာရှိရှိသုံးဆောင်နိုင်ပါပြီနော်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent