ကြက်ဥဆူးပုပ်ကြော်လေး လုပ်စားကြမယ်

ကြက်ဥဆူးပုပ်ကြော်လေး လုပ်စားကြမယ်

10 မိနစ်

2 ဦးစာ

လွယ်သော

အိမ်မှာ ဟင်းတွေအများကြီးချက်ဖို့ အချိန်မပေးချင်တော့တဲ့အခါ လွယ်လွယ်ကူကုချက်တတ်ကြတာ ကြက်ဥ၊ ဘဲဥစတာတွေပါပဲ။ အရွက်ကလေးပါ ပါမှ ပိုစားမြိန်တယ်လို့ ခံစားရတဲ့အခါ ကြက်ဥနဲ့အရွက် တွဲစပ်ကြော်ထားတာမျိုးလေး စားဖို့ စဉ်းစားမိတိုင်း မြန်မာလူမျိုးတွေ တညီတညွတ်တည်းကြိုက်ကြတဲ့ ကြက်ဥဆူးပုပ်ကြော်လေးကတော့ ထမင်းဝိုင်းရဲ့ မာစတာပေါ့။ ဒါ့ကြောင့် ကြက်ဥဆူးပုပ်ကို ဘယ်လိုအထာနဲ့ အရသာရှိအောင်ကြော်ရလဲ ဝေမျှပေးလိုက်ပါတယ်။

ပါဝင်ပစ္စည်းများ

  • ဆူးပုပ်ရွက် ၂ စည်း
  • ကြက်ဥ ၂ လုံး
  • ကြက်သွန်ဖြူ ၄ စိတ် (ထောင်းထားပါ)
  • ဆီ ထမင်းစားဇွန်း ၅ ဇွန်း
  • ခနောကြက်သားမှုန့် လက်ဖက်ရည်ဇွန်း တစ်ဝက်
  • ခရုဆီ လက်ဖက်ရည်ဇွန်း ၁ ဇွန်း

ချက်ပြုတ်ပြင်ဆင်ပုံ

  1. ကြက်ဥ ၂ လုံးကို ခလောက်ပြီး ခနောကြက်သားမှုန့်နဲ့ ခရုဆီ ထည့်မွှေထားပါ။

  2. ဆူးပုပ်ရွက်သင်ထားတာ ထည့်ပြီး နှံ့အောင် ထပ်မွှေပါ။

  3. ပြီးတာနဲ့ ဒယ်အိုးထဲ ဆီပူအောင်တည်ပြီး ကြက်သွန်ဖြူထောင်းထားတာကို ဆီသတ်ပါ။

  4. ဆီပူထဲ ခလောက်ထားတဲ့ ဆူးပုပ်ကြက်ဥအနှစ်တွေ ဖြန့်ချကြော်ပါ။

  5. ကျက်ရင် တစ်ဖက်လှန်ပြီး နှစ်ဖက်ညီညီကျက်တော့မှ မီးဖိုပေါ်က ချပြီး အရသာရှိရှိ သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent