ကြက်သားနဲ့ အာလူးလေးကို ငပိလေးနဲ့ရောချက်မယ်

ကြက်သားနဲ့ အာလူးလေးကို ငပိလေးနဲ့ရောချက်မယ်

45 မိနစ်

3 ဦးစာ

အလယ်အလတ်

ရိုးရိုးလေးနဲ့ ထိမိသွားစေမယ့် အာလူးစိတ်နဲ့ ကြက်သား ငပိချက်ဟင်းချက်နည်းလေး ပြောပြမယ်နော်။ ကြက်သားနဲ့ အာလူးကို‌တော့ လူတိုင်းကြိုက်ကြတဲ့အတွက် ထမင်းမြိန်စေမယ့် ဟင်းကောင်းလေးတစ်ခွက် ဖြစ်ပါတယ်။

ပါဝင်ပစ္စည်းများ

  • ကြက်သား ၃၀ ကျပ်သား (အနေတော် အတုံးလေးတွေလှီးထားပါ)
  • အာလူး ၃ လုံး (အခွံခွာပြီး ဒေါင်လိုက် လေးခြမ်းထားပြီး မကျက်တစ်ကျက်ပြုတ်ထားပါ)
  • ခနော်ကြက်သားမှုန့် ထမင်းစားဇွန်း ၁ ဇွန်းခွဲ
  • နံနံပင် ၅ ပင်
  • ဆီ ထမင်းစားဇွန်း ၂ ဇွန်း
  • ပုဇွန်ငပိ လက်ဖက်ရည်ဇွန်း ၃ ဇွန်း
  • ကြက်သွန်ဖြူ ၂ မွှာ
  • ကြက်သွန်နီ ၃ လုံး
  • နနွင်းမှုန့် လက်ဖက်ရည်ဇွန်း ၁ ဇွန်း
  • အရောင်တင်မှုန့် လက်ဖက်ရည်ဇွန်း ၂ ဇွန်း
  • ငရုတ်သီးမှုန့် လက်ဖက်ရည်ဇွန်း ၁ ဇွန်းခွဲ
  • ငံပြာရည် ထမင်းစားဇွန်း ၁ ဝက်
  • ဂျင်း လက် ၁ ဆစ်
  • မန်ကျည်းသီးနှစ် ထမင်းစားဇွန်း ၂ ဇွန်းခွဲ

ချက်ပြုတ်ပြင်ဆင်ပုံ

  1. ဖန်ဇလုံးကြီး တစ်ခုထဲတွင် ခနောကြက်သားမှုန့် ၁ ဇွန်း၊ နနွင်းမှုန့် တစ်ဝက်ဇွန်း နဲ့ ကြက်သားတုံးများ ကို နယ်ပြီး ၁၅ မိနစ်လောက် နှပ်ထားပါ။

  2. အိုးကြီးတစ်ခုထဲကို ဆီထည့်ပြီး အပူပေးပါ။ ဆီပူလာပြီ ဆိုရင်တော့ ဟင်းအနှစ်လုပ်ရန် ပါဝင်ပစ္စည်းများ အားလုံး ထည့်ပြီး ဆီသတ်ပါ။ ကြက်သွန် နွမ်းလာရင် ကြက်သားတုံးများ ထည့်ပြီး ၃မိနစ်မှ ၅မိနစ်ခန့် ကြော်ပါ။ ကြက်သားတုံး အသားတင်းလာရင်တော့ ကြက်သားတုံးကို ရေမြူပ်အောင်ထည့်ပါ။ ထို့နောက် အရည်ဆူတဲ့ အထိတည်ပါ။ ပြီးရင် အာလူးများကို ထည့်ပါ

  3. မီးအနေတော်နဲ့ ဟင်းအိုးကိုတည်ပြီး အရည်ပျစ်လာပြီ ဆိုရင်တော့ ‌ရေထပ်ရောပေးပါ။

  4. ကြက်သား နူးတဲ့အထိ တည်ပါ။ ဆားမြည်းပါ။ ထို့နောက် ကျန်တဲ့ ပါဝင်ပစ္စည်းများထည့်ပါ။ လိုအပ်ရင် ခနောကြက်သားမှုန့် ထပ်ထည့်နိုင်ပါတယ်။

  5. ကြက်သားနူးလာပြီ ဆိုရင်တော့ အရသာရှိတဲ့ အာလူးစိတ်နဲ့ ကြက်သားငါးပိချက်ကို ထမင်းပူပူလေးနဲ့ စားလို့ရပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent