ကြက်သားကြိုက်သူများအတွက် ဟင်းလျာဆန်းဆန်းလေး ကြက်သားအစေ့အဆန်ကြော်

ကြက်သားကြိုက်သူများအတွက် ဟင်းလျာဆန်းဆန်းလေး ကြက်သားအစေ့အဆန်ကြော်

45 မိနစ်

3 ဦးစာ

အလယ်အလတ်

ကြက်သား ချစ်သူများအတွက် အထူးအဆန်း ဟင်းလျာလေး ဖြစ်တဲ့ ကြက်သားအစေ့အဆန်ကြော် ဟင်းချက်နည်းလေး တင်ပေးပါမယ်နော်။ အာဟာရပြည့်ဝပြီး အရသာလဲရှိတာမို့ အိမ်ရှင်မများ အထူးချက်စားသင့်တဲ့ ဟင်းလေးလဲ ဖြစ်ပါတယ်။

ပါဝင်ပစ္စည်းများ

  • ကြက်ရင်ပုံသား ၃၀ ကျပ်သား
  • ပဲငံပြာရည်အချို ထမင်းစားဇွန်း ၁ ဇွန်း
  • ပဲငံပြာရည်အငံ လက်ဖက်စားဇွန်း ၂ ဇွန်း
  • ပြောင်းဖူးအမှုန့် ထမင်းစားဇွန်း ၁ ဇွန်း
  • အသီးအရွက်ဆီ ထမင်းစားဇွန်း ၂ ဇွန်း
  • ချင်း လက် ၂ ဆစ်
  • ကြက်သွန်နီ ၁ လုံး
  • တရုတ်နံနံ ၁ ချောင်း
  • ပဲသီးရှည် ၁ စီး
  • မျှစ် ၁ ချောင်း
  • ကြက်ပြုတ်ရည် ၁/၄ ခွက်
  • ချယ်ရီဝိုင် ထမင်းစားဇွန်း ၁ ဇွန်း
  • နှမ်းဆီ လက်ဖက်စားဇွန်း ၁ ဇွန်း
  • ဘန်ဒါစေ့ ထမင်းစားဇွန်း ၂ ဇွန်း
  • သီဟိုဠ်စေ့ ထမင်းစားဇွန်း ၂ ဇွန်း
  • သစ်ချသီး ထမင်းစားဇွန်း ၂ ဇွန်း
  • နှမ်းစေ့အနက် လက်ဖက်စားဇွန်း ၁ ဇွန်း
  • နှမ်းစေ့အဖြူ လက်ဖက်စားဇွန်း ၁ ဇွန်း
  • ခနော်ကြက်သားမှုန့် လက်ဖက်စားဇွန်း ၅ ဇွန်း

ချက်ပြုတ်ပြင်ဆင်ပုံ

  1. ကြက်သားများကို အရသာဝင်စေရန် ဖန်ဇလုံအကြီးတစ်ခုထဲတွင် ခနောကြက်သားမှုန့် ၃ဇွန်းနဲ့ နယ်ပြီး နှပ်ထားပါ။

  2. ဒယ်အိုးကြီးထဲကို အသီးအရွက်ဆီ ထည့်ပြီး အပူပေးပါ။ ဆီပူလာရင်တော့ ကြက်သွန်နီ နှင့် ချင်း တို့ကို အရင်ထည့်ကြော်ပါ။ ကြက်သွန်နွမ်းလာပြီဆိုရင် ကြက်သားထည့်ပြီး ၃မိနစ်မှ ၅မိနစ်ခန့် ကြော်ပါ။

  3. ထို့နောက် ကြက်ပြုတ်ရည် ထည့်ပါ။ မျှစ်၊ ပဲသီး၊ တရုတ်နံနံ များကို ထည့်ပြီး အရည်ခမ်းတဲ့အထိ ကြော်ပေးပါ။

  4. ဖန်ပုကန်လုံးအသေးထဲ ချယ်ရီဝိုင်နဲ့ ပြောင်းဖူးမှုန့်တို့ကို ရောမွှေပါ။ နှမ်းဆီ၊ ပဲငံပြာရည်အချို၊ အငံတို့ကို အားလုံးသေချာမွှေပေးပါ။ ရောထားသော ပဲငံပြာရည်အရောကို ကြက်သားအိုးထဲထည့်ပါ။

  5. မီးကို အနေတော်ထားပြီး ကြော်ပေးပါ။ ထို့နောက် အရည်များပျစ်လာတဲ့အထိ တည်ပေးပါ။ ၁-၂ မိနစ်လောက်တည်ပြီးလျှင် အစေ့အဆန်များ နှင့် ကျန်ပါဝင်ပစ္စည်းများထည့်ပါ။

  6. အရသာမြည်းပြီး လိုအပ်ရင် ခနောကြက်သားမှုန့်ထည့်ပါ။ အားလုံးပြီးသွားရင်တော့ ထမင်းပူပူလေးနဲ့ အားရပါးရ စားလို့ရပါပြီနော်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent