ကျန်းမာရေးအတွက် အထူးကောင်းမွန်သော ဖရုံပွင့်ညွှန့်စုံကြော်

အရင်ဦးဆုံး ဖရုံပွင့်လေးတွေကို အစေ့အဆန်ထုတ်ထားပြီး ဖရုံညွှန့်လေးတွေကိုတော့ နှစ်သက်သလိုလှီးက သင်ထားပါ။

ကြက်သွန်ဖြူလေးတွေကို ဓါးပြားရိုက်ထားပြီး ဒယ်အိုးထဲမှာဆီပူလာပါက ကြက်သွန်ဖြူထည့်ကာ ရွေရောင်သန်းလာသည်အထိ ကြော်ထားပေးပါ။

ကြက်သွန်ဖြူလေးတွေ ရွှေရောင်သန်းလာရင်တော့ ပုဇွန်ခြောက်မှုန့်နဲ့ ငံပြာရည်ထည့်ပြီး အနံ့မွှေးလာသည်အထိ ကြော်ပါ။

ပြီးရင်တော့ ပွင့်ညွှန့်များကို စကြော်ပါမယ်။ အရင်ဦးဆုံး အညွှန့်တွေကို အရင်ထည့်ကြော်ပြီး ခပ်ဖွဖွလေးမွှေပေးပါ။

အညွန့်လေးတွေ နွမ်းလာရင်တော့ အပွင့်တွေကိုထည့်ပါ။ ခပ်ဖွဖွလေးထပ်မွှေပြီး (၂)မိနစ်ခန့်ကြာရင်တော့ ကျန်ပါဝင်ပစ္စည်းတွေထည့်လိုက်ပါနော်။

ခြောက်ကပ်နေရင် ရေအနည်းငယ်ထည့်ကြော်နိုင်ပြီး အရသာအပေါ့အငန်လိုရင် ခနောကြက်သားမှုန့် ထပ်ထည့်နိုင်ပါတယ်။

ပြီးရင်တော့ ပွင့်ညွှန့်ကြော် ပူပူနွေးနွေးလေးကို ထမင်းဖြူလေးနဲ့ အရသာရှိစွာ သုံးဆောင်နိုင်ပါပြီ။