ကျန်းမာရေးနဲ့ ညီညွှတ်တဲ့ ပန်းဂေါ်ဖီ ပုဇွန်ခြောက်ကြော်

ကျန်းမာရေးနဲ့ ညီညွှတ်တဲ့ ပန်းဂေါ်ဖီ ပုဇွန်ခြောက်ကြော်

20 မိနစ်

2 ဦးစာ

လွယ်သော

တစ်နေ့တစ်နေ့ အရံဟင်းအတွက် စဉ်းစားရခက်နေပြီဆိုရင်တော့ ပေါ့ပေါ့ပါးပါးလေးနဲ့ အရသာလည်းရှိတဲ့ ပန်းဂေါ်ဖီ ပုဇွန်ခြောက်ကြော်လေးကို စမ်းကြော်ကြည့်ဖို့ အကြံပေးပါရစေနော်။

ပါဝင်ပစ္စည်းများ

  • ပန်းဂေါ်ဖီ ၁၅ ကျပ်သား
  • ပုဇွန်ခြောက် ၅ ကျပ်သား
  • ကြက်သွန်နီ ၁ လုံး
  • ကြက်သွန်ဖြူ ၅ တတ်
  • ချင်း အနည်းငယ်
  • ငရုတ်ကောင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၁ ဇွန်း
  • နနွင်းမှုန့် လက်ဖက်စားဇွန်း ၁ ဝက်
  • ပဲဆီသန့် ထမင်းစားဇွန်း ၃ ဇွန်း
  • ငရုတ်သီးစိမ်း ၅ တောင့်

ချက်ပြုတ်ပြင်ဆင်ပုံ

  1. အရင်ဦးဆုံး ပုဇွန်ခြောက်လေးတွေကို မွသွားအောင် ရေစိမ်ပေးထားပါ၊ ပန်းဂေါ်ဖီစိမ်းလေးတွေကိုတော့ သန့်စင်အောင်ဆေးပြီး (၂)မိနစ်ခန့် ပြုတ်ထားပါ။

  2. ကြက်သွန်ဖြူနဲ့ ချင်းကိုထောင်းထားပြီး ကြက်သွန်နီကို ပါးပါးလှီးထားပါ။

  3. ဒယ်အိုးထဲမှာ ပဲဆီသန့်ထည့်ပြီး ဆီပူလာရင်တော့ ထောင်းထားတဲ့ ကြက်သွန်ဖြူ၊ ချင်း၊ ကြက်သွန်နီ၊ ပုဇွန်ခြောက်တို့ကို နနွင်းမှုန့်ထည့်ပြီး ဆီသတ်ပေးပါ။

  4. ပုဇွန်ခြောက်လေးတွေ ကျက်လာပြီဆိုရင်တော့ ပန်းဂေါ်ဖီလေးတွေထည့်ပြီး အရသာအတွက် ခနောကြက်သားမှုန့်၊ ငရုတ်ကောင်းမှုန့်တို့ ထည့်ပေးပါနော်။

  5. ပန်းဂေါ်ဖီလေးတွေနူးပြီး အနံ့လေးလည်း မွှေးလာပြီဆိုရင်တော့ ငရုတ်သီးစိမ်းလေးအုပ်ပြီး အရသာရှိစွာ တည်ခင်း သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent