ကလေး၊ လူကြီးအကြိုက် ရေချိုပုဇွန်ထုပ်ဆီပြန်

ကလေး၊ လူကြီးအကြိုက် ရေချိုပုဇွန်ထုပ်ဆီပြန်

20 မိနစ်

3 ဦးစာ

အလယ်အလတ်

ပုစွန်ချစ်သူတွေ အကြိုက်တွေ့စေမယ့် ‌ရေချိုပုစွန်ထုပ်ဆီပြန်ဟင်း ချက်နည်းလေး ပြောပြပေးပါမယ်နော်။ ဒီရေချိုပုစွန်ထုပ်ဆီပြန်ဟင်းလေးကတော့ လူကြီးလူငယ်မရွေး ကြိုက်နှစ်သက်စေမယ့် ဟင်းလေးပဲ ဖြစ်ပါတယ်။

ပါဝင်ပစ္စည်းများ

  • ရေချိုပုဇွန်ထုပ် ၅၀ ကျပ်သား
  • ပုဇွန်ခြောက် ၅ ကျပ်သား
  • ကြက်သွန်ဖြူ ၅ တက်
  • ကြက်သွန်နီ ၂ လုံး
  • ချင် ၃ ကျပ်သားခန့်
  • စပါးလင် ၂ ပင်
  • ငရုတ်ပွခြောက် ၃ ခု
  • ငါးငံပြာရည် ထမင်းစားဇွန်း ၁ ဇွန်း
  • နနွင်းမှုန့် လက်ဖက်စားဇွန်း ၁ ဇွန်း
  • ခနောကြက်သားမှုန့် လက်ဖက်စားဇွန်း ၂ ဇွန်း
  • ငရုတ်ကောင်းမှုန့် အနည်းငယ်
  • ပဲဆီသန့် ထမင်းစားဇွန်း ၅ ဇွန်း
  • ငရုတ်သီးစိမ်း ၁၀ တောင့်
  • နံနံပင် အနည်းငယ်
  • သံပုရာသီး ၁ လုံး
  • ရေသန့် ဝ.၅ လီတာ

ချက်ပြုတ်ပြင်ဆင်ပုံ

  1. အရင်ဦးဆုံး ရေချိုပုဇွန်တွေကို အခွံခွာသန့်စင်ပြီး အရသာဝင်အောင် ခနောကြက်သားမှုန့်၊ နနွင်းမှုန့်နဲ့ ငါးငံပြာရည်အနည်းငယ်တို့ထည့်ကာ (၁၅)မိနစ်ခန့် နှပ်ပေးထားပါနော်။

  2. ဟင်းခတ်ဖို့အတွက် ငရုတ်သီးစိမ်းနဲ့ နံနံပင်လေးတွေကိုတော့ နှစ်သက်သလို လှီးဖြတ်ပြီး ရေစိမ်ထားပေးပါ။

  3. ဆီသတ်ဖို့အတွက် ကြက်သွန်ဖြူ၊ ကြက်သွန်နီ၊ ချင်းနဲ့ ငရုတ်ပွခြောက်တို့ကို ပုဇွန်ခြောက်လေးထည့်ကာ ထောင်းပေးထားပါနော်။

  4. ဒယ်အိုးထဲမှာ ဆီထည့်ပြီး ဆီဆူလာရင်တော့ ထောင်းထားတဲ့ ငရုတ်သီးအနှစ်လေးရယ် နနွင်းမှုန့်အနည်းငယ် ၊ စပါးလင်တို့ထည့်ပြီး ဆီသတ်ပေးပါနော်။

  5. ဆီသတ်နံ့လေးမွှေးပြီး ကြက်သွန်လေးတွေ နွမ်းလာရင်တော့ ရေချိုပုဇွန်ထုတ်လေးတွေကို ထည့်လိုက်ပါ။

  6. ပုဇွန်ထုတ်လေးတွေ ဆီပြန်လာရင်တော့ ရေအနည်းငယ်၊ ငရုတ်ကောင်းမှုန့်လေးတွေထည့်ပြီး မီးအေးအေးနဲ့ ချက်ပေးပါနော်။

  7. ဟင်းအနံ့လေးမွှေးပြီး ပုဇွန်ထုတ်လေးတွေ ဆီပြန်လာရင်တော့ ငရုတ်သီးစိမ်းလေးနဲ့ နံနံပင်လေးအုပ်ပြီး အရသာရှိစွာ သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent