ကလေးလူကြီး အကြိုက်တွေ့သွားစေမယ့် ပြောင်းဖူးနဲ့ကြက်သားဟင်းရည်

ကလေးလူကြီး အကြိုက်တွေ့သွားစေမယ့် ပြောင်းဖူးနဲ့ကြက်သားဟင်းရည်

40 မိနစ်

3 ဦးစာ

လွယ်သော

အရည်သောက်လေးကိုမှ ဆန်းဆန်းလေး ဖြစ်သွားအောင် ပြောင်းဖူးနဲ့ ကြက်သားဟင်းရည် ချက်နည်းလေး ပြောပြပေးသွားပါမယ်။ အာဟာရလဲ ပြည့်စုံပြီး အရသာရှိတဲ့ဟင်းလေးဖြစ်လို့ အိမ်ရှင်မတိုင်းစမ်းချက်ကြည့်သင့်တဲ့ ဟင်းလေးဖြစ်ပါတယ်နော်။

ပါဝင်ပစ္စည်းများ

  • ကြက်ရင်ပုံသား ၃၀ ကျပ်သား
  • ခရမ်းချဉ်သီး ၂ လုံး
  • ခရမ်းသီး ၁ လုံး
  • ထောပတ်ခရမ်း ၁ လုံး
  • နံနံပင် ၅ ပင်
  • ပဲတောင့်ရှည် ၅ တောင့်
  • ဂေါ်ရခါးသီး ၁ ခြမ်း
  • မုန်လာဥဖြူ ၁ ဥ
  • မုန်လာဥနီ ၁ ဥ
  • ရုံပတီသီး ၅ တောင့်
  • ဖရုံသခွား ၁ လုံး
  • သရက်သီးခြောက် ၅ ကျပ်သား
  • ကြက်သွန်ဖြူ ၃ မွှာ
  • ကြက်သွန်နီ ၃ လုံး
  • နနွင်းမှုန့် လက်ဖက်စားဇွန်း ၁ ဇွန်း
  • ဆီ ထမင်းစားဇွန်း ၂ ဇွန်း
  • ခနောကြက်သားမှုန့် ထမင်းစားဇွန်း ၁ ဇွန်းခွဲ
  • ငံပြာရည် လက်ဖက်စားဇွန်း ၂ ဇွန်း
  • ဆား လက်ဖက်စားဇွန်း ၁ ဝက်
  • ချင်း လက် ၁ ဆစ်
  • ငရုတ်သီးစိမ်း ၈ တောင့်

ချက်ပြုတ်ပြင်ဆင်ပုံ

  1. ကြက်ပေါင်တုံးလေးများကို ခနော်ကြက်သားမှုန့် ၁ ဇွန်း ၊နနွင်းမှုန့် လက်ဖက်ရည်ဇွန်း တစ်ဝက်တို့နဲ့ နယ်နှပ်ထားပါ။

  2. ဟင်းအနှစ်လုပ်ရန် ဒယ်အိုးကို ဆီနဲ့အပူပေးပါ။ ဆီပူလာရင်တော့ ငံပြာရည် နဲ့ ငရုတ်သီးစိမ်းကလွဲလို့ ပါဝင်ပစ္စည်းများအားလုံးကို ဆီသတ်ပါ။ ရွှေရောင်သမ်းလာရင်တော့ ငံပြာရည် နဲ့ ငရုတ်သီးစိမ်းထည့်ပြီး နှံအောင်မွှေပါ။

  3. ဆီသတ်ထားသောအိုးထဲ ကြက်သားတုံးလေးများ ထည့်ပြီးမွှေပါ။

  4. ကြက်သားတုံးရေမြုပ်အောင်ထည့်၍ အဖုံးအုပ်တည်ပါ။ ရေဆူလာလျှင် မာသော အသီးအနှံ့ မုန်လာဥဖြူနီ၊ ဂေါ်ရခါးသီး များကို အရင်ထည့်ပါ။

  5. ၂မိနစ် ၃မိနစ်လောက်တည်ပြီးရင် ဖရုံ၊သခွား၊ ထောပတ်ခရမ်း၊ ခရမ်းသီး ထည့်ပြီး နောက်ထပ် ၂-၃မိနစ်လောက်တည်ပြီး ကျန်အသီးအရွက်များ ထပ်ထည့်ပါ။နံနံပင်ကလွဲလို့ ကျန်ပါဝင်ပစ္စည်းများ ထည့်ပါ။

  6. ၁၅မိနစ်-မိနစ်၂၀လောက် ကြာအောင်တည်ပြီးရင် ဟင်းရည်ကို သေချာမွှေပေးပါ။ ကျန်တဲ့ပါဝင်ပစ္စည်းများကို ထည့်ပါ။

  7. ရေခန်းပြီး ပျစ်လာပြီဆိုရင် ရေထပ်ထည့်ပေးပါ။ ရေဆူအောင်တည်ပါ။ ရေဆူပြီး အသားနူးလာရင်တော့ ဆားမြည်း ပြီး လိုအပ်ရင် ခနောကြက်သားမှုန့် ထပ်ဖြည့်နိုင်ပါတယ်။

  8. အားလုံးပြီးသွားရင်တော့ မီးပိတ်ပြီး နံနံပင်အုပ်ပါ အရည်အနေတော်နဲ့ချပြီး အရသာရှိတဲ့ ပြောင်းဖူးနဲ့ကြက်သားဟင်းရည်လေးကို အသင့်စားသုံးလို့ရပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent