ကယားစတိုင် ကြက်အသဲအမြစ်နဲ့ အသီးအရွက်ကြော်

အရင်ဦးဆုံး ကြက်အသဲအမြစ်လေးတွေကို နှစ်သက်သလိုလှီးဖြတ်ကာ ခနောကြက်သားမှုန့် (လက်ဖက်စားဇွန်း ၃ ဇွန်း)နဲ့နယ်ပြီး ပြုတ်ထားပေးပါ။

မုန်လာဥနီ၊ ပဲသီးရှည်လေးတွေကို အနေတော်လှီးထားပြီး တရုတ်နံနံပင်ကို ခပ်ကြီးကြီးလှီးဖြတ်ထားပါ။

မှိုနဲ့ ဂေါ်ဖီလေးကိုလည်း အမြှောင်းလေးတွေ လှီးဖြတ်ထားပေးပါ။ ကြက်သွန်ဖြူလေးတွေကိုတော့ ဓါးပြားရိုက်ထားပါ။

ဒယ်အိုးထဲမှာ ဆီထည့်ပြီး ဆီပူလာတဲ့အခါ ကြက်သွန်ဖြူ၊ မုန်လာဥနီနဲ့ ကြက်အသည်းအမြစ်လေးတွေထည့်ပြီး (၅)မိနစ်ခန့် ကြော်ပေးပါ။

ပြီးရင်တော့ ကျန်အသီးအရွက်များကိုထည့်လိုက်ပါ။ နှံ့သွားအောင် ခပ်ဖွဖွမွှေပြီး အနည်းငယ်နွမ်းလာရင်တော့ ကျန်ပါဝင်ပစ္စည်းများထည့်ပြီးကြော်ပေးပါ။

အသီးအရွက်များကို နူးအိလာတဲ့အနေအထားမရောက်ခင် အရသာအပေါ့အငန်မြည်းကြည့်ပြီး လိုအပ်ရင် ခနောအရသာမှုန့်ထည့်ကာ သုံးဆောင်နိုင်ပါပြီ။

ကြော်ပြီးပြီးချင်း ပူပူနွေးနွေးလေးစားရင် ပိုအရသာရှိပါတယ် အချက်တလိုင်းတို့ရေ။