လေ့ကျင့်ခန်းမလုပ်ခင် ဘယ်လို အစားအစာတွေ စားသင့်သလဲ

အစားအစာအသစ်အဆန်းတွေပေါ်လာတာနဲ့ အစားအသောက်နောက်ကို လိုက်ရင်းစားရင်း ကျွန်တော်တို့ လူသားတွေ တစ်နေ့တစ်ခြားလေးလံထိုင်းမှိုင်းလာ၊ ဝလာတတ်ကြတာဓမ္မတာပါ။ အဲ့ဒီအခါ လေ့ကျင့်ခန်းတွေ ကာယကျန်းမာရေးအတွက် အားကစားတွေလုပ်ကြ၊ လေ့ကျင့်ကြရတာပေ့ါ။

ကိုယ်ရေစစ်ပြီး ကျန်းမာတဲ့ ခန္ဓာကိုယ်လေးကို ပိုင်ဆိုင်ချင်လာတဲ့အခါ ကြိုးစားကြပေမယ့် လေ့ကျင့်ခန်းမလုပ်ခင်မှာ လူတော်တော်များများမသိသေးဘဲ လွဲချော်စွာ မှားယွင်းနေထိုင်စားသောက်နေမိတဲ့ အစားအစာတွေ ရှိပါတယ်။

ဒီတစ်ခါ How to cook Team ကနေဖော်ပြချင်တာကလေ့ကျင့်ခန်းမလုပ်ခင်မှာ ဘယ်လို အစားအစာလေးတွေ ရွေးချယ်စားသောက်ရင် ပိုထိရောက်စေမလဲဆိုတာပါ။အဲ့ဒီအစားအစာတွေကတော့-

Pre workout meal for healthy lifestyle

သဘာဝကပေးတဲ့အားဖြည့်ဓါတ်စာဆိုတာငှက်ပျောသီးပါပဲ (Photo: Shutterstock)

ငှက်ပျောသီး

သဘာဝကပေးတဲ့ အားဖြည့်ဓါတ်စာဆိုတာ ငှက်ပျောသီးပါပဲ။ ငှက်ပျောသီးထဲမှာ အာရုံကြောနဲ့ ကြွက်သားလုပ်ဆောင်ချက်တွေ ပိုကောင်းမွန်စေတဲ့ ပိုတက်စီယမ်နဲ့ ကာဘိုဟိုက်ဒြိတ်ဓါတ်တွေပါတယ်လေ။

Pre workout meal for healthy lifestyle

လေ့ကျင့်ခန်းလုပ်တဲ့အခါမှာ သက်လုံအားပိုကောင်းစေပါတယ်တဲ့ (Photo: Shutterstock)

အုတ်ဂျုံများ

အုတ်ဂျုံတွေက ကာဗိုဟိုက်ဒြိတ်ဓါတ်များလို့ ခန္ဓာကိုယ်လေ့ကျင့်ခန်းမလုပ်ခင် စားရင် လေ့ကျင့်ခန်းလုပ်တဲ့အခါမှာ သက်လုံအားပိုကောင်းပါတယ်တဲ့။ ဗီတာမင်ဘီပါဝင်လို့လည်း ကာဗိုဟိုက်ဒြိတ်တွေကို စွမ်းအင်အဖြစ် ပြောင်းပေးစေတယ်လေ။ Irish Oats တွေကတော့အကောင်းဆုံးပါပဲ။

Pre workout meal for healthy lifestyle

ကြွက်သားထုတက်စေဖို့ (Photo: Shutterstock)

ကြက်ကင်၊ ကန်စွန်းဥနဲ့ ဂေါ်ဖီပန်းပွင့်စိမ်း

အကယ်၍ ကြွက်သားထုတက်ဖို့ ဆော့နေတာဆို ရိုးရိုးတန်းတန်းအဆာပြေစားစရာတွေထဲက ဒီအတွဲအစပ်က အကောင်းဆုံးပါပဲ။ ပရိုအားကစားသမားတွေရဲ့ ပင်တိုင်အကောင်းဆုံးအားဖြည့်စာလို့တောင် ပြောလို့ရပါတယ်။

Pre workout meal for healthy lifestyle

အစာမြန်မြန် ချေပေးတဲ့ အသီးခြောက်များ (Photo: Shutterstock)

အသီးခြောက်များ

လွယ်လွယ်မြန်မြန်နဲ့ ထိရောက်တဲ့ အားဖြည့်စာဆို သင်္ဘောသီးခြောက်၊ ဘယ်ရီသီးခြောက်တွေ၊ နာနတ်သီးခြောက်လို အသီးခြောက်တွေကအကောင်းဆုံးပါပဲ။ သူတို့ထဲကကာဗိုဟိုက်ဒြိတ်ဓါတ်က အစာတွေကိုမြန်မြန်ချေစေတယ်လေ။

Pre workout meal for healthy lifestyle

Carbs အစုံပါတဲ့ ပေါင်မုန့် (Photo: Shutterstock)

ပေါင်မုန့်

ဂျုံကောက်ပဲသီးနှံနဲ့ချည်း ပြည့်ပြည့်ဝဝလုပ်ထားတဲ့ ပေါင်မုန့်တစ်ချပ်ထဲမှာ လေ့ကျင့်ခန်းမလုပ်ခင် လိုအပ်တဲ့ Carbs အစုံပါတဲ့အတွက် ပေါင်မုန့်တစ်ချပ်စားရုံနဲ့ လုံလောက်ပါပြီ။

How To Cook - Article Image

ပရိုတင်းနဲ့ ကာဗိုဟိုက်ဒြိတ်ပါတဲ့ သီးစုံဒိန်ချဉ် (Photo: Shutterstock)

သစ်သီးစုံနဲ့ ဂရိဒိန်ချဥ်

အသီးတွေမှာ ကာဗိုဟိုက်ဒြိတ်ပါပြီး ဂရိဒိန်ချဉ်မှာတော့ပရိုတင်းပါတာမို့ လေ့ကျင့်ခန်းမလုပ်ခင် တစ်ခွက်လောက် ရောစားထားရင် သက်လုံကောင်းကောင်းနဲ့လှုပ်ရှားနိုင်ပါပြီ။

သကြား၊ ဆိုဒါနဲ့ အဆီအဆိမ့်စတဲ့ တခြားအစားအစာတွေကို အနည်းဆုံး ၄နာရီလောက် တတ်နိုင်သမျှ ခြားပြီး စားထားသင့်တာတော့ သတိပြုရပါမယ်။

ဒီလောက်ဆိုရင် လေ့ကျင့်ခန်းမလုပ်ခင် ရွေးပြီး စားသင့်တဲ့ အစားအစာလေးတွေကို သိသင့်သလောက်သိသွားပြီဆိုတော့ ကျန်းမာတဲ့ ကိုယ်ခန္ဓာအတွက် အထောက်အကူပြုမယ်လို့ ထင်ပါတယ်။

AddThis is disabled because of cookie consent