မီးဖိုချောင်သုံးပစ္စည်းများကို လွယ်ကူလျင်မြန်ဆေးကြောနည်း ၅ နည်း

မီးဖိုခန်းထဲဝင်ပြီး အစားအသောက်ချက်ပြုတ်ပြင်ဆင်ရသူတွေအတွက် သန့်ရှင်းတဲ့မီးဖိုခန်းလေး၊ အသုံးအဆောင်လေးတွေရှိပါမှ ချက်ပြုတ်ရတာ မပင်ပန်းဘဲ စိတ်ကြည်နူးမှုရပါတယ်။ တစ်အိမ်လုံးရဲ့ကျန်းမာရေးအတွက် အရေးကြီးတဲ့ မီးဖိုခန်းလေးနဲ့ အသုံးအဆောင်ပစ္စည်းလေးတွေ သန့်ရှင်းနေဖို့ အိမ်ရှင်မတွေက အချိန်ပေးပြီး သန့်ရှင်းရေးပြုလုပ်ကြရပါတယ်။ ဒီနေ့ခေတ်လို အိမ်ရှင်မတွေ အလုပ်တစ်ဖက်နဲ့ အချိန်အများကြီးမပေးနိုင်တဲ့အခါမျိုးမှာတော့ လွယ်ကူလျင်မြန်တဲ့ သန့်ရှင်းနည်းလေးတွေက ပိုမိုအသုံးဝင်လာပါပြီ။

ဒါကြောင့် မီးဖိုချောင်သုံးပစ္စည်းများကို လွယ်ကူလျင်မြန်ဆေးကြောနည်းလေးတွေအကြောင်း How to cook team က စုစည်းတင်ဆက်ပေးလိုက်ပါတယ်။

လိုအပ်သောပစ္စည်းများကိုစုစည်းပါ

စတီးလ်နဲ့ အလူမီနီယံအသုံးအဆောင်များ

ဖန်၊ ကြွေ နဲ့ကြေးနီ အသုံးအဆောင်များ

Non-stick pan လို့ခေါ်တဲ့ ချိုးမကပ်ဒယ်အိုးတွေကိုတော့ ရေနွေး၊ ပန်းကန်ဆေးဆပ်ပြာရည်တို့ သုံးရုံနဲ့အဆင်ပြေပါတယ်။ သတိထားရမှာက ဖော့ဖတ်နုနုလေးတွေနဲ့ပဲ ဆေးဖို့ပါ။ စတီးခွေတွေနဲ့ ခြစ်မိရှမိရင် အိုးတွေလည်းအလွယ်တကူ ပျက်စီးသွားပါလိမ့်မယ်။ အရမ်းညစ်ပတ်လွန်းနေရင်တော့ ရေနဲ့ ဗီနီဂါ တစ်ခွက်ရောပြီး ဆူအောင်တည်ပေးပါ။ ပွက်ပွက်ဆူလာပြီဆိုရင် ရေတွေကိုသွန်ပစ်လိုက်ပြီး ဆပ်ပြာရည်၊ဖော့ဖတ်လေးတွေနဲ့ အလွယ်တကူဆေးကြောနိုင်ပါပြီ။

ဟင်းချက်တဲ့မီးဖိုနဲ့ မီးဖိုခုံမျက်နှာပြင်တွေကို သန့်ရှင်းရေးလုပ်ဖို့အတွက် အရင်ဆုံးလုပ်သင့်တာကတော့ မီးဖိုခုံပေါ်တင်ထားတဲ့ ပစ္စည်းတွေ၊ အသုံးအဆောင်တွေကို ဖယ်ရှားထားဖို့ပါ။ ဒါမှစိတ်ကြိုက်သန့်ရှင်းနိုင်မှာဖြစ်ပါတယ်။ မီးဖိုတွေကို ရှာလကာရည်နဲ့ မုန့်ဖုတ်ဆိုဒါရောပြီး စပရေးဘူးလေးနဲ့ဖျန်းပါ။ ပဝါစလေးကို ရေနွေးထဲနှစ်ပြီးရေညှစ်ထားပါ။ ရေစွတ်ထားတဲ့ပဝါစကို မီးဖိုပေါ် ၁၅ မိနစ်ခန့် တင်ထားပြီးတဲ့အခါ အဝတ်စလေးနဲ့ ပွတ်တိုက်သန့်ရှင်းနိုင်ပါပြီ။

ချွတ်ရခက်တဲ့ အညစ်အကြေးတွေရှိရင်တော့ မုန့်ဖုတ်ဆိုဒါကိုဖြူးပြီး ရှာလကာရည်အနည်းငယ်လောင်းချကာ ခဏနှပ်ထားပါ။ ပြီးတဲ့အခါ အိုးတိုက်ဖတ်နဲ့ ပွတ်တိုက်သန့်ရှင်းနိုင်ပါတယ်။ ရေဆေးချလို့ မရတာမို့ ရေစုပ်တဲ့ပဝါစနဲ့သာ သုတ်လိုက်၊ ရေညှစ်လိုက် အခါခါလုပ်ပေးရပါမယ်။ မီးဖိုခုံတွေကိုတော့ ရေနွေးနဲ့ ဆပ်ပြာမှုန့်ကို ရောနှောပြီး ဖော့ဖတ်နဲ့ တို့ယူပွတ်တိုက်ကာ သန့်ရှင်းပေးနိုင်ပါတယ်။

ဒီအချက်လေးတွေက မီးဖိုခန်းလေးသန့်ရှင်းတောက်ပနေစေဖို့ အများကြီးအထောက်အကူပြုမယ်လို့ မျှော်လင့်ပါတယ်။ ကိုယ်သုံးနေတဲ့ လျှို့ဝှက်ချက်နည်းလမ်းကောင်းလေးတွေရှိရင်လည်း မျှဝေခဲ့ပါဦး။